بالصور نتيجة تحالف الاخوان مع العسكري في عام 1954

لا أدري ما مصداقيته لكنه جدير بالاطلاع ..ضابط بالصاعقة المصرية يكشف حقيقة مجلس العسكر

لا أدري ما مصداقيته لكنه جدير بالاطلاع ..ضابط بالصاعقة المصرية يكشف حقيقة مجلس العسكر

---

 

مفاجآت من العيار الثقيل

الظابط ده عمل اكونت علي تويتر يوم السبت 28 يناير 2012 وكتب كل التويتات دي وتم غلق الاكونت بعدها بيوم .. والنهارده اتفتح تانى الكلام اغلبه منطقي .. اقروا وقولوا رأيكم ..



الملازم اول : محمد وديع
ظابط في الصاعقه
رقمه العسكرى126433
ملازم أول/ محمد وديع الوحده 999 قتال سابقا ضباط 8 ابريل حاليا والعمر واحد والرب واحد

يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر
مبارك مبارك مصر ؟؟

يعنى ايه قبل قرار تنحى مبارك يتسرح 1800 مسجون من السجن الحربى منهم اغتصاب وقتل على طريق مصر الاسماعيليه ؟؟

يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك ارجع مش عايزين مشاكل

يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه لحد ما ييجى يصلى تانى ؟؟

يعنى ايه الديكتاتور مختار المللا يتكلم عن الديقراطيه ؟؟
يعنى ايه الضايع سامى عنان يخطط لجيش مصر ؟؟
يعنى ايه ممدوح شاهين التايه يشرع لمصر ؟؟
يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟
يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا ينفذه مذبحه فى التحرير ؟؟
يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟
يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟
يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟
يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش نفخه ؟؟
يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟
الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم 8 ابريل مين وصلهم لكده ؟؟
ضباط لواء الوحدات الخاصه رجال الضفادع البشريه رفضوا ضرب المتظاهرين اما ال 777 ؟؟

يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة الثوار ؟؟
يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء سامى سعد زغلول
يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين وصله ده ؟؟
يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟
يعنى ايه اللوا الفخرانى يكلف بوابه 9 ميليون الرقابه الاداريه تزعل يطلع معاش ويتعين محافظ الاسماعيليه ؟؟
يعنى ايه القبه السماويه فى الكليه الحربيه تتكلف 45 ميليون جنيه فى عهد مختار المللا
يعنى ايه حمام فى الصحراء يتكلف 2 ميليون جنيه يعملوا خبير المانى لإحتمال قدوم مبارك لعرض المنطقه الغربيه
يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟
يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال
يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما كانتش الثوره نجحت ؟؟
يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟
يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه ونصفهم مغيبين ؟
يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟
يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟
يعنى ايه الجبن يبقى اهم صفات المقاتل !!!!
يعنى ايه المشير يقول على طلبة الكليه الحربيه بعد خناقة 15 مايو الطلبه دول انا كنت قادر احرقهم !!
إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم قاعد
ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه وتحاول ترجعهاله
تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات لواء مدير جهاز الرياضه
لعبت كوره مع المشير فى 2005 وكان ضدى وبيلعب مع المعهد الفنى واحنا حربيه
يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى احتمالات
يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال 999 ورا المتحف لحد ما يبانلو صاحب مسلسل الوسيه ده ؟
يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟
يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش حسنى مبارك
يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟
يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟
يعنى ايه مرتب الملازم 2000 جنيه ومرتب اللواء 5000 جنيه والفرق بينهم 30 سنه عمل سياسة تجويع وحرمان ؟؟
يعنى ايه حصاد هدايا زفاف ابن احد اللواءات 250000 جنيه ذهب
والله العظيم المشير ما عايز يضحك على الشعب والله العظيم المشير عايز يكسر إرادة الشعب
طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه لسيادته ؟؟
يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت مش جاسوس ؟؟
طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟
يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى المليان ؟؟
يعنى ايه عصابه خلصت على الجيش وبتخلص على مصر دلوقتى ؟؟
يعنى ايه ابقى عارف قد ده ميت مره والناس تقول شرفاء الجيش فين وما انزلش يوم 8 ابريل ؟؟؟؟؟
يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على جثتك ؟؟

يعنى ايه 65 يتدفنوا جنب السجن الحربى واهاليهم بيدوروا عليهم لحد دلوقتى ؟؟
يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟
يعنى ايه الوحده 777 والوحده 999 وحدات ارهاب دولى توضع فى مواجهه مع مواطنين مصريين
يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري
يعنى ايه لما اسكت ابقى خاين ولما اتكلم ابقى باعمل فتنه ؟
يعنى ايه الطيران الحربى يشارك فى تهريب اموال ؟؟
يعنى ايه حسن الروينى يأمر بتأمين ابناء مبارك من مصطفى محمود للتحرير 1 فبراير ؟

لماذا ضباط 8 ابريل بالذات ؟

9 أغسطس, 2011

لماذا ضباط 8 ابريل بالذات ؟

2:21 ص | مرسلة بواسطة Ahmed . M . Abdulrahman |

اعزائى القراء السلام عليكم 

اليوم وانا جالس ع حاسوبى المحمول افكر و احاول ان استنتج واجد اسباب لكل المشاكل التى نحن فيها 

وكنت اتذكر ما حدث يوم 8 ابريل و استرجعه امامى ك شريط سينما مع اننى لم اكن موجود فى ميدان التحرير لظروف جغرافيه

الا اننى كنت متابع عن كثب ما يحدث فى الميدان لحظه بلحظه 

و تذكرت كيف دخل ضباط 8 ابريل الى الميدان و كيف و لماذا و قفوا ع المنصه و لماذا تكلموا 

كانوا هم الحدث الابرز بالمناصفه مع المحاكمه الشعبيه التى كانت تحاكم مبارك فى نفس الوقت 

سألت نفسى مع اصرار ع السؤال 

لماذا ضباط 8 ابريل بالذات ؟ 

لماذا اؤيد هائولاء الضباط دون بقيه ضباط القوات المسلحه ؟

لماذا اتعاطف  مع هائولاء الضباط رغم كل ما يفعله بنا المجلس العسكرى ؟

فى الواقع الاجابه الكامله تكمن عندهم 

الا انى قد وصلنى جزء من الاجابه بحكم التأيد و التعاطف 

لم تصلنى بلغه الكلام و الاشاره و لا الجسد و لا بأى لغه ماديه واضحه او خفيه 

وصلتنى الاجابه بلغه الفكر بلغه المبادى بلغه الاراده 

و ضباط 8 ابريل تتضارب اعدادهم من 50 الى 22 ضابط 

ابرزهم : 

1- ملازم أول / محمد طارق وديع

الدفعة 99 تخرج من الكلية في 20 / 7 / 2005

سلاح: المشاه

درس في مدرسة عباس العقاد التجريبيه للغات

الوظائف التي تولاها : قائد دورية صاعقة بالكتيبة 33 صاعقة / المجموعة 127 صاعقة

قائد طاقم قتال المجموعة الثانية قتال / الوحدة 999 قتال

جميع خدمته في القوات الخاصة الوحدة 999 قتال وحدة فرق الأرهاب الدولي

حاصل على فرقة السيل رقم 4

معلم في فرقة السيل رقم 5

 حاصل على فرقة مقاومة الأرهاب الدولي وفرقة الضفادع البشرية والنسف والتدمير تحت المياه

تقاريره امتياز وجيد جدا

 قام بتمثيل مصر في مهمه خارج البلاد
 

 

2- ملازم اول/ محمود سامى

 

محل الإقامة :كفر الشيخ

الدفعة 100 حربية .. تخرج في 20 / 7 / 2006

السلاح : مدرعات

ومن أوائل الضباط الذين نزلوا ميدان التحرير يوم 8 ابريل -فى أنتظار الحكم

 

3- ملازم أول/ مصطفي عبد المجيد

محل الإقامة : أسوان

الدفعه 100 حربية.. تخرج في 20 / 7 / 2006

سلاح : المدرعات

تم تكريمه لسرعة استجابته ونزول سريته لتكون أول سرية دبابات تصل إلي السويس 

لإنقاذ المدينه من أعمال التخريب والنهب

من أوائل الضباط الذين نزلوا ميدان التحرير

 

4- ملازم أول / رامى أحمد عبد العزيز 

محل الإقامة : قضى معظم عمره بقليوب ويقيم الأن بمدينة نصر

السلاح : الحرب الإلكترونية

الدفعه 101 حربية ... تاريخ التخرج 20 / 7 / 2007

الوظائف التي تولاها : قائد فصيلة اعاقة ردارية في الفوج 710

 قائد مركز عمليات الفوج 710

 قائد سرية استطلاع رداري الفوج 710

 قائد سرية بالفوج 720

 تأمين شخصيات هامة والمراقبة الإلكترونيه والتأمين الالكتروني

خدمة مميزه في أحد أهم وحدات الحرب الإليكترونية الخاصه بتأمين الشخصيات الهامة 

والقاعات تأمين الكترونى

حاصل على فرقة العبرى الاساسية والراقية تقدير جيد جدا

من أوائل الضباط الذين نزلوا ميدان التحرير يوم 8 ابريل

فى أنتظار الحكم

5- ملازم أول/ محمد رفعت

محل الإقامة : مدينة نصر

الدفعه 100 حربية تخرج من الكلية 20 / 7 / 2006

السلاح : مدرعات

الوظيفه : قائد سرية دبابات اللواء 11 مدرع الجيش الثالث الميداني

حاصل علي فرقة قائد فصيلة دبابات بتقدير إمتياز بترتيب الثالث علي الفرقه

جيد جدآ في فرقة قائد سرية دبابات

إمتياز في فرقة رمايه لغير المشاه من معهد المشاه وفرقة مايلز بتقدير إمتياز

 لم يتوقع عليه أي جزاءات سوي 30 يوم حجز بسبب أنه كان راكبا مع أحد زملائه 

الضباط أثناء نزوله أجازه سيارة زميله وإنقلبت السياره ودخل في غيبوبه وكان الجزاء 

أنه لم يبلغ وحدته بالحادث فور وقوعه أي أثناء الغيبوبه 

من وقع عليه الجزاء اللواء حسن الرويني

وكان حجز عقد قرانه وزفافة يوم 27/4 بدار المدرعات وكان يجري بعض التجهيزات

الأخيره بشقته الجديده إلا انه عندما رأي زملائه علي شاشات التلفاز نسي حبيبته 

 الثانيه وتذكر حبيبته الأولي مصر وأسرع إلي الميدان 

حكم عليه بعشر سنوات فلماذا فعل ذلك إن لم يكن شديد الوطنية

 

6- ملازم أول أحمد سمير

حكم عليه بعشر سنوات

7- ملازم أول/ أحمد الخولى

محل الإقامة:الزيتون

الدفعة 100 حربية.. تخرج يوم 20 / 7 / 2006

تولى وظائف في الفوج 710 حرب الالكترونية بالسويس والفوج 701 حرب الالكترونية بالمنطقة المركزية

حاصل على تقدير جيد جدا فى الفرقة الحتمية وخدمة مميزة باحدى وحدات المراقبة الالكتروني

فى أنتظار الحكم

8- الملازم أول / ياسر ابراهيم بخاتى

محل الإقامة : شبين الكوم - المنوفيه

الدفعة 99 حربية تخرج من الكلية 20 / 7 / 2005

السلاح : المدفعية

خدم في مدفعية الصاعقة ثم اللوا 60 مدفعية الجيش الثالث الميداني ثم مركز تدريب المدفعية رقم 2 الهايكستب

كان منتظر ترقية في نشرة شهر يوليو الى رتبة النقيب ولكنه ترقى برتبة شرفية من ميدان التحرير

درس في مدرسة السيدة عائشة الإبتدائية ثم مدرسة الحسينية الإعدادية ثم مدرسة عبد 

المنعم رياض الثانوية والتحق بأكاديمية القاهرة للحاسبات والمعلومات لمدة عام ثم 

الكليه الحربية.

احد ضباط الجيش الأوفياء وكان بطلا فى المصارعة الحرة فى ربيع عمره وقد التحق 

بالكلية الحربية بدون وساطة نظرا لحصوله على اول الجمهورية فى ميزانه والتحاقه 

بمنتخب مصر فى هذا التوقيت وقد أحرز للكلية الحربية أثناء دراسته بطولات على 

مستوى الجيش كما أنه ابن من ابناء سلاح المدفعية ونظرا لتفوقه الرياضى تم انتدابه لقوات الصاعقة المصرية

وهو من اوائل الضباط اللى نزلوا التحرير

فى انتظار حكم

9-الملازم أول/ محمد الحنفى 

محل الإقامة : ميت غمر - دقهلية ... الدفعة 102 حربية

تاريخ التخرج : 20 / 7 / 2008

الوظيفة :قائد سرية دبابات الكتيبة 199 دبابات / الفرقه 21 المنطقة الغربية العسكرية

درس في مدرسة سليم حسن الإبتدائية ثم مدرسة ناجي الإعدادية المشتركة ثم مدرسة الفريق سعد الدين شرف الثانوية

حاصل على تقدير جيد جدا فى الفرقة الحتمية وفرقة الدبابات وفرقة ماليز

من أوائل الضباط الذين نزلوا ميدان التحرير

فى انتظار حكم

 

10- ملازم اول/ حسين سعد " ضابط البيــــان "

محل الإقامة : مدينة نصر

الدفعة 99 حربية.. تاريخ التخرج 20 / 7 / 2005

السلاح : شئون ادارية

الوظائف التي تولاها : ضابط التدريب والعمليات بمستودع التعينات رقم " 19 "

 رئيس قسم تعينات المجموعه 145 صاعقة

 قائد الميس المجمع للفرقه الثالثة مشاه ميكانيكي بمجمع انتاج الخبز

التحق بمدرسة الطبري بروكسي

بطل أفريقيا وثاني عالم في رياضة الكراتيه

قائد ميس فرقة أي مايعادل قائد كتيبه برتبة مقدم وهو ملازم أول

كان من المفترض أن يترقى لرتبة النقيب في نشرة يوليو الماضية ولكنه فضل ترقية ميدان الشرف على الرتب الزائفة

من اول الضباط الى نزلوا ميدان التحرير يوم 8 ابريـــل

فى أنتظار الحكم

11- ملازم أول / أحمد أبو الحسن

محل الإقامة : المنيا

السلاح : مدرعات

الدفعه 100 حربية تخرج في 20 / 7 / 2006

قائد سرية في اللواء 11 مدرع بالجيش الثالث الميداني

اتنين تقرير إمتياز وفرقة ماستر جانر بواسطة الخبراء الأمريكيين وتم ترشيحه إلي

نفس الفرقه من الولايات المتحدة

من أوائل الضباط الذين نزلوا ميدان التحرير

12- ملازم اول / احمد رشاد 

خريج الكلية الفنية العسكرية ومشروع تخرجة تطوير مدفع، حاصل على تقدير امتيازوتم تكريمه من المشير طنطاوى وهو الاول على فرقة دبابات

M1A1 من امريكا بتقدير امتياز

13- ملازم أول / إبراهيم الجعفري 

محل الإقامة : الأقصر

سلاح : المدرعات ... الدفعة 99 حربية

يخدم في اللواء 11 مدرع الجيش الثالث الميداني

من أوائل الضباط الذين نزلوا ميدان التحرير

14- النقيب/ محمد جمال أبو زيد 

محل الإقامة: المنيا

الدفعه 98 حربية.. تخرج من الكلية 20 / 7 / 2004

سلاح :المدرعات

يخدم في اللواء 11 مدرع الجيش الثالث الميداني

تقارير امتياز وضابط أمن اللواء 11 مدرع وبحكم منصبه كان من المستحيل نزوله الميدان لخطورة موقفه إلا انه رفض التخلي عن زملائه وعن وطنه

حكم عليه بعشر سنوات

 

15- النقيب/ ابراهيم الشرع

خريج الكلية الفنية العسكرية الدفعة 40

حاصل على جميع الفرق الحتمية بتقدير جيد جدا حاصل على تقدير امتياز فى بعثته التدريبية الاخيرة فى روسيا

وحصل على فرقة في مجال الدفاع الجوي من روسيا بتقدير امتياز

16- النقيب /محمد فهمي

محل الاقامة: اسكندرية

سلاح : المدرعات

الدفعة 98 حربية.. تخرج يوم 20 / 7 /2004

درس في المدرسة العسكرية الرياضية

التحق بالكلية الحربية واصبح الثالث علي الدفعة في القسم الإعدادي

الوظائف التي تولها: قائد فصيلة في اللواء 57 مدرع

التحق بعد ذلك بالمركز الرياضي

حصل علي مسابقة اكفاء كتيبة ومسابقة كوادر لواء

حاصل علي عدة بطولات دولية في المصارعة الرومانية

حصل علي اول كليات عسكرية في لعبة الجودو

حصل علي بطولة الجمهورية اثناء القسم المتوسط

حصل علي مسابقة اكفاء كتيبة ومسابقة كوادر لواء

17-الرائد محمد عبد القادر 

قبض عليه أثناء حضوره اختبارات فرقة أركان الحرب ماجستير العلوم العسكريه

 وترتيبه الثاني في الأختبارات على مستوى القوات المسلحه رغم أنه لم يحضر أخر اختبار وتم تكريمه من قبل كأحسن ضابط أستطلاع على مستوى القوات المسلحه

 حكم عليه بعشر سنوات

 

18- الرائد/ محمد عمر

ضابط مهندس خريج الكليه الفنيه العسكريه وتخرج الثالث على الدفعه وأوشك على الحصول على درجة الماجستير في مجاله

لم يحكم عليه بعد

 

19- رائد / أحمد نجدي

قفز حر وقفز مرتفعات 1263 قفزه حرة

حاصل علي فرقة السيل رقم 1 وأحد أفضل رجال وحدة مقاومة الإرهاب لقوات الحرس الجمهوري

 حاصل علي فرقة تأمين وحماية الشخصيات الهامه من مصر والمانيا وضمن مجموعة تأمين مقر رئيس الجمهوريه

أحد أكثر وأهم المرشحين للحراسه اللصيقه للرئيس المقبل

 لم يحكم عليه بعد

 

20- الرائد / حسن عبد الحميد 

ترتيبه 13 على الدفعة

حاصل على كل الفرق الحتمية بتقدير امتياز آخرهم فرقة مهندس سرب

ترتيب الاول على فرقة الطائرة f-16 فى أمريكالدورتين متتاليتين

21-المقدم / خالد الخولي 

من اوائل دفعتة والاول على سلاح اسلحة وذخيرة

 عمل مع الأمم المتحده كقائد فريق نسف وقام بعمل أكثر من 1500 نسفه في عمليات تطهير جنوب السودان

 سافر عدة مرات لتمثيل مصر في عدة بعثات وشرفها

تم تكريمة من قائد قوات حفظ السلام الدولية بالسودان

هو مدرس بالمعهد الفنى للقوات المسلحة

سافر الى سلوفينيا فى بعثات تدريبية

حصل على تقدير امتياز ونوط الخدمة المتميزة من الامم المتحدة

 

22-المقدم/ اياد امام 

قام بتعديل واختراع منظومة مدفع ذاتي الحركه

 المفترض ان يكون الأن فى الولايات المتحده الأميريكيه لتمثيل مصر

 لم يتبقي له سوي عامان أو ثلاثه علي الأكثر ويتقاعد

و الان بعد ان قرأت و شاهدت صور و بيانات الضباط الاحرار الجدد

هل تعتقد انهم سيئ السمعه كما اشاع المجلس العسكرى ؟ 

هل تعتقد انهم ضباط فاشلون و يسعون الى الشهره و ركوب الموجه ؟ 

هل تعتقد انهم خطه للمجلس العسكرى للاستيلاء ع السلطه كما يظن البعض ؟ 

انا لا اعتقد انهم كذلك ابداً 

اولا المطالب التى خرجوا من اجلها و نزلوا الى الميدان واضحه و صريحه وهى مطالب ما يعرف بجمعه المحاكمه و التطهير او جمعه 8 ابريل

ضباط 8 ابريل نزلوا الى الميدان مطالبين المجلس العسكرى بتنفيذ حقوق الشعب 

و الحقوق لا تُطلب الحقوق تنتزع ولا بديل عن الانتزاع طريقه 

ضباط 8 ابريل كانوا  قد اخلصوا النيه فى تقديم عريضه مكتوبه  الى المجلس العسكرى تطالب و تؤيد حقوق الشعب وتكون معبره عن التيار الثورى الخامل داخل الجيش المصرى الرافض لسياسه المجلس العسكرى و خاصه المشير طنطاوى 

ضباط 8 ابريل هوجموا بتشكيلات من 777 و المظلات وهم معتصمون داخل الميدان معا ما يقرب من 3000 مواطن 

ضباط 8 ابريل اصروا ع النزول الى الميدان بالزى الميرى تعبيراً عن و تمثيلاً عن شرفاء الجيش المصرى وتذكيراً بضابط المخابرات المصرى اسير مجلس الفساد المقدم / ايمن احمد سالم 

ضباط 8 ابريل اشهروا كرنيهات الخدمه فى وجوه الجميع ليؤكدوا ع انهم ضباط حقيقين وليسوا مدنين فى ذى عسكرى كما ادعى المجلس العسكرى

ضباط 8 ابريل دلفوا الى الميدان و ظهروا فى وسط الملايين و الاف العدسات ليعلنوا تحملهم مسئوليه هذا الفعل 

ضباط 8 ابريل بكل تلك الافعال اعلنوها و اضحه صريحه ان الشريف يضحى بنفسه من اجل ان يظل شريف ان وقع فى غابه من 

الفساد 

ضباط 8 ابريل ضربوا مثلاً فى الوطنيه و الفداء و الامانه و الاخلاص و الاتزام و تحمل الامانه افلا نساعدهم ونقف بجانبهم حتى  يخرجوا الى النور بعد ان اصبحوا اسرى المجلس العسكرى 

سنحتاجهم فى الغد سنحتاجهم اشد الحاجه فى اعاده تأسيس جيش و طنى قوى و قوات مسلحه ثوريه باسله 

اظن الان انا اعرف لماذا ضباط 8 ابريل بالذات ؟

لمزيد من المعلومات و متابعه اخر التطورات زوروا صفحه حركه مؤيدى ضباط 8 ابريل ع الفيس بوك